تسع اعشار الرزق فى التجارة

 فهيم افندي عاش موظف ومات موظف والحاج عبد الغفور البرعي هو اللي كان بيعمل احلي فلوس مع ان فهيم افندي كان متعلم وماشي بأربع اقلام جاف ملونين علطول .. المفيد ان تسع أعشار الربح في التجارة واللي بيعيش موظف مش هيبقي حاجة في يوم من الايام ..

فهيم أفندي بيمثل نظرية ال 97% من المصريين الي فكرهم بيوصلهم إن الوظيفه بتمثلهم الضمان والإستقرار ...

لكن عبدالغفور البرعي بيمثل شريحه ال 3% من الناس الي بيعشقوا المغامرة وإنهم ياخدوا المخاطرة لأنهم بطلوا يخافوا من الخسارة .. بمعنى أصح أقنعوا نفسهم إن معندهمش حاجه يخسروها لحد ماقلبهم مات وعقلهم عرف طريق النجاح بعيدا عن الخوف الي بيتملك القلب وقت التفكير ف بيمنعك ك بني آدم من الوصول لنجاحك !!

مش معنى كده إنى بقول بلاش تتعلم وتشيل الأقلام الجاف فى جيبك, بالعكس العلم أهم شيئ وإلا مكنش عبدالغفور البرعي إحتاج لفهيم أفندي معاه

إللى عايز أقوله إن العلم لوحده مش كفاية, لازم علم مع عمل, أو زى المقولة إللى بتقول "قليل من العلم مع العمل به أنفع من كثير من العلم مع قلة العمل به" 

بإختصار خلى عندك طموح وطور من نفسك ومتقبلش تفضل موظف بسيط وغلبان وصدقني فرصتك هتكون أكبر من عبدالغفور البرعي لانك لما هتاخد المخاطرة هتكون بعلم مش مجرد خطوة ويا صابت يا خابت